F.A.Q.

(domande frequenti - tutte vere!) sull'evento:


  • No go la moto, come fazo?

    Te ga un scooter? Fatta! Te son a pie? Vien con un casco e un passaggio lo trovemo!


  • Ma posso vegnir in auto?

    NO! Za cusì blocchemo la città...


  • E se vegno col motorin diroccà de mia nonna? El xe senza assicurazion, ma tanto... de sicuro no i me controlla! Posso?

    NO, assoltamente NO! TUTTI i partecipanti xe responsabili per i propri mezzi, che DEVI esser assicuradi e idonei alla circolazion! Lo staff declina ogni responsabilità!!!


  • E con la moto de campo cross / la minimoto / el triciclo / la moto de pista?

    I ga la targa? i xe assicuradi? Te pol circolar su strada? Se anche solo una delle risposte xe NO, allora no te pol!


  • E posso portar mio fio de 6 anni, che el xe un pilota de moto che a Vale ghe fa una p***a, cusì el vien con la sua motoretta?

    NOOOOOO!! oltre al fatto che nol pol guidar su strada a 6 anni... te ga presente un corteo de 500 moto? i te lo struca tuo fio, vien fora una palacinka!


  • Dove trovo le maiette? Lo scorso anno son rivà e le iera za finide, orco tocio!!

    Te le trovi alle Torri, i due week end precedenti all'evento! Semo là dalla mattina alla sera, per voi!


  • Ma casomai te me mettessi via due?

    No... non per cattiveria, ma gavemo un poche de roba per la testa quei giorni e podessimo dimenticarse, oltre al fatto che voi sè in tanti e se tutti ne domanda de metter via..... diventa un scandal!


  • Te me dà una maietta Small, una Media, ma che no vesti troppo larga però... o, cossa te disi? xe meio una Large? Taglie per fioi come vesti? Perchè mia morosa xe picia....

    Purtroppo (o per fortuna) gavemo solo taglie XXL, perchè le maie va messe sora ai giubbotti durante el giro!! Ma dopo podè usarle come tovaia.....


  • E se piovi? Femo lo stesso?

    Certo! Altrimenti cosa ghe contemo ai fioi? Per ti niente regalo perchè pioveva? No sarà do ioze a fermarne!


  • Posso vegnir a pie, solo a veder l'arrivo de San Nicolò?

    Certo, saremo in piazza Unità attorno alle 14:00!


  • Go zogatoli e roba usada, posso portar?

    Grazie ma no, in questa occasion, con i fondi che raccogliemo, ghe compremo tutto novo, perchè alcuni fioi maladi, dopo interventi chirurgici, ga el sistema immunitario molto debole e xe meio che no vegni in contatto con roba usada. Tuttavia te pol metterte in contatto direttamente con le strutture dove andaremo e parlar con lori, per veder se i ga bisogno! Grazie!


  • Come riva sto anno San Nicolò?

    No te conto!


  • Go una ditta / un local. Volessi esser un dei vostri sponsor, come fazo? con chi parlo?

    Te pol parlar con Cristiano Benci, lui te conterà che un sponsor no ga de darne milioni, anzi! La quota minima de un sponsor xe de 150?, che xe detraibili e ghe vien dada una ricevuta del Circolo Tommasi della Polizia Locale de Ts


  • Mi no me interessa ste robe! Pensemo prima ai fioi nostri!

    Te sa che in 2 centri su 3, dove andemo, xe fioi italiani e spesso triestini? E te sa che nel terzo centro xe fioi maladi e che una leucemia o un tumor no varda el passaporto o la nazionalità de un picio? E che XE FIOI!!!!! No i ga chiesto lori de star mal o de subir violenze o abusi! Comunque fa niente, se te la pensi cusì, fa a meno de vegnir... e saludime i tuoi fioi


  • Come me iscrivo?

    No servi iscriverse! Basta vegnir il primo sabato de dicembre in Piazza Oberdan. No xe neanche obbligatorio cior la maietta o lasar un obolo... se xe la prima volta, vegnì, vardè e se ve piasi, son sicura che el prossimo anno ne iuterè!


  • Come fazo a esser sicuro che i miei soldini rivi veramente a chi ga bisogno?

    Vien e te vederà con i tuoi oci! te ne iuterà a scarigar i camion de roba de magnar, te vederà i fioi scartar i regali e tanto altro! Inoltre, se te dovessi gaver qualche dubbio, tutti i conti dei soldi raccolti e le ricevute de come li gavemo spesi, xe a tua disposizion presso el Circolo Tommasi della Polizia Locale. E se volemo proprio dirla tutta: partecipa TUTTE le Forze dell'Ordine... saria alquanto mo*a e rischioso, da parte nostra, far i furbi, no te par?


  • ....se me vien in mente altre, ve aggiorno ....
    ecco, me xe vegniuda una, che i me chiedi ogni santo anno!

  • Ah, ma xe organizzà da ***, quel che ga negozio?

    NO NO NO NO NO NO!! XE ORGANIZZA' SOLO DAL CIRCOLO TOMMASI DELLA POLIZIA LOCALE DE TS! Diffidate dalle imitazioni... e dai furbetti: nisun de noi ga negozi, nissun fa politica e nissun ghe guadagna niente!